Higit 10 ‘nagtae’ sa halo-halo

Naospital ang lampas 10 indibidwal nang makaranas ng pananakit ng tiyan at pagsusuka, kung saan itinuturong salarin ang kinain nilang halo-halo na nabili sa isang tindahan sa Kidapawan City.

Sa ulat, isa-isang dinala sa ospital ang mga nasapul ng pananakit ng tiyan, na kinabibilangan ng 3-anyos, nitong Sabado ng hapon.

Sa kasalukuyan, sarado ang nasabing tindahan habang hinihintay ang resulta ng pagsusuri ng sample ng halo-halo.

Tumangging magkomento ang may-ari ng tindahan, na nakapagbigay ng tulong sa mga biktima.

Sa ulat, nananatili ang tatlong pasyente sa ospital.