Mga bansa na nais kumuha ng mga manggagawang Pinoy dumarami – DMW

INANUNSYO ng Department of Migrant Workers (DMW) na patuloy ang pagtaas ng bilang ng mga bansang kumukuha ng mga manggagawang Pinoy.

Ayon kay DMW Secretary Hans Leo Cacdac, halos taon-taon ay nadadagdagan ang mga bansa na nais na magkaroon ng bilateral labor agreements sa bansa.

Ilan sa mga dito ay mula sa Europa at ilang bahagi ng Asya dahil sa nakita nila ang kakaibang sipag ng mga Pilipino.

Nitong araw lamang ng kalayaan ay mayroong mahigit 7,000 mga trabaho ang inalok sa mga Filipino.

Ang mga bansa na naghahanap ng mga manggagawa na galing sa Pilipina ay kinabibilangan ng Australia, Bahrain, Brunei, Cambodia, China, Croatia, Germany, Hungary, Japan, Jordan, Saudi Arabia, New Zealand, Qatar Slovakia, Thailand, United Arab Emirates, United States, at Vanuatu.