BIR nagbabala sa mga online business na ‘di pa rehistrado

MARIING nagbabala ang Bureau of Internal Revenue (BIR) na kanilang sususpindehin ang mga online businesss na hindi rehistrado sa kanilang ahensiya.

Ito ang nakasaad sa kanilang Revenue Regulations 15-2024 na maari nilang isuspinde ang operasyon ng mga negosyo sa pamamagitan ng pag-isyu ng mga closure o take-down order.

Sakaling sa mga kaso ng online business ay maaari nila itong gawi sa pamamagitan ng pagtanggal sa mga websites, webpage, account, platform o app na ginagamit para magbenta ng mga produkto.

Maaari rin silang masampahan ng BIR ng kasong tax evasion laban sa mga negosyante sa ilalim ng Run After Tax Evaders program.