Dobleng street signs sa Maynila binaklas

IPINAG-UTOS ni Manila Mayor Francisco `Isko Moreno’ Domagoso ang pag-aalis sa doble-dobleng street signs sa lungsod.

Ipinakita ni Moreno ang post na nagpapakita ng doble-dobleng street sign na may kaparehong pangalan ng kalsada.

“To our countrymen, that’s what we call spending government resources without any reason,” ayon sa alkalde.

Ipinakita rin nito ang report na may pamagat na “Installation of Reflectorized Street Name Signages” na matatagpuan sa districts 1 hanggang 6, na nagkakahalaga ng P39.9 milyon ang project cost.

Ipinunto ni Moreno na ang mga proyekto ay hindi nagmula sa kanyang administrasyon, at sinabing ang kontrata para sa proyekto ay may petsang Disyembre 2024.(Jocelyn Domenden)