Principal kulong sa estafa

INARESTO ng mga ope-ratiba ng Northern Police District-District Special Operations Unit (DSOU) ang 70-anyos na babaeng principal sa kasong Estafa thru Falsification of Commercial Document na may kaugna-yan sa Republic Act 10175 (Cybercrime Prevention Act of 2012).

Batay sa ulat ng pulisya, isinagawa ang operasyon sa Purok La Loma, Area D, Barangay 178, Caloocan City.

Ang pag-aresto ay batay sa warrant of arrest na inisyu ng Presiding Judge ng RTC Branch 167, Pasig City noong Oktubre 16, 2025, na may rekomendadong piyansang P96,000 sa bawat bilang ng kaso.

Matapos maaresto, dinala ang suspek sa Caloocan City Medical Center para sa medikal na pagsusuri bago ito itinurn-over sa tanggapan ng DSOU para sa karagdagang imbestigasyon.

Kasalukuyan itong nakapiit sa Northern Police District-Custodial Facility Unit.