AMLC kinumpirma dumaan umano drug lord money sa account ni VP Sara

Kinumpirma ng Anti-Money Laundering Council (AMLC) na nasa kanilang rekord ang 18 deposito sa bank account ni Vice President Sara Duterte na sinabi ni dating Sen. Antonio Trillanes IV ay kabilang ang ipinasok umanong pera ng umano’y drug lord na si Sammy Uy.

“So for the record, 18 out of 18 transactions randomly selected from the annexes of Sinumpaang Salaysay of Hon. Trillanes were confirmed by the AMLC, at least to the extent that similar transactions appear in their report. That is for the record,” sabi ni House Committee on Justice chairperson at Batangas Rep. Gerville Luistro.

Sa impeachment hearing nitong Miyerkoles, kumuha si Mamamayang Liberal party-list Rep. Leila de Lima ng mga deposito sa account ni Duterte na mula sa Sinumpaang Salaysay ni Trillanes at tinanong si AMLC Executive Director Ronel Buenaventura kung nasa rekord nila ito.

Kinumpirma ni Buenaventura na ang tatlong deposito na sinasabi ni Trillanes na ginawa ni Uy ay nasa kanilang rekord.

“So, this total of three transactions appearing in Annex I with the title ‘Sammy Uy Payouts to Sara Duterte and Family,’ all of this were confirmed by the AMLC that similar transactions appear in their report,” sabi ni Luistro.

Iginiit ni De Lima na pinipili nito randomly ang mga transaksyong ipinapaberepika sa AMLC upang malaman kung tatayo ang rekord kapag sinuri.

Tinukuran naman ito ni Luistro.

“Transactions were randomly selected by the Honorable De Lima and she requested the confirmation of the AMLC whether or not similar transactions appear. And so far, eight transactions have been confirmed already by the AMLC,” sabi ni Luistro.

Pinatingnan din sa AMLC kung nasa kanilang rekord ang transaksyon noong Hunyo 11, 2015 na nagkakahalaga ng P2,450,000, noong Disyembre 6, 2013 na nagkakahalaga ng P2,987,542.24, noong Enero 31, 2012 para sa P2,926,594.60, at noong May 14, 2008 para sa P2,114,168.43.

Sinabi ni Buenaventura na mayroong katulad na mga transaksyon sa rekord ng AMLC.

“So far we have 13 out of 13 transactions randomly selected by the Honorable De Lima but confirmed to be existing at least as similar transactions in the AMLC report,” sabi ni Luistro.

Nagdagdag pa si De Lima ng lima pang transaksyon sa joint account nina dating Pangulong Rodrigo Duterte at ng Bise Presidente.

“Yes po. These are also five transactions. Number 9, page 1 of Annex A, 55,131,747.32, March 28, 2014. Got it po? The second one po, Number 16, page 1, 41,721,035.62, October 7, 2013,” sabi ni De Lima.

“Third randomly selected entry, at page 3, number 44, page 3, amount of 53,817,613.48, February 25, 2010. Fourth, at page 4, number 60, amount of 52,485,191.85, April 14, 2009. And the fifth one, also at page 4, number 64, 49,281,009.98, May 22, 2007. Five randomly selected entries from Annex A, joint account of Rodrigo Duterte and Sara Duterte,” dagdag pa ni de Lima.

Sinabi ni Buenaventura na lahat ng nabanggit na transaksyon ay nasa kanilang rekord.

“We informed earlier that there are eighteen transactions mentioned, that one we mentioned are existing in our report,” sabi ni Buenaventura.

Iginiit ni De Lima na ang pagberepika ng 18 transaksyon ay sample lamang ng mas malaking mga transaksyon sa account ng Bise Presidente.

“So nakita po natin na na-confirm po ng AMLC ‘yung mga entries na randomly selected from the annexes. Gusto ko rin i-put on record po, Madam Chair, na actually marami po ito. But that’s it, because of lack of time, I just opted to ask for five from the three, from the three annexes, and three from the other annex,” dagdag pa ni De Lima.(Henry Padilla)