VP Sara hinamon sina Romualdez at Co na magsabi ng totoo sa flood control issue
Advertisers
HINAMON ni Vice President Sara Duterte sina dating Speaker Martin Romualdez at dating Cong. Elizaldy Co na magsalita na hinggil sa katiwalian sa flood control projects.
Sa ambush interview sa The Hague, The Netherlands, sinabi ni VP Sara na alang-alang sa bayan ay dapat magsabi na ng totoo sina Co at Romualdez.
Ang reaksyon ni VP Sara ay matapos na ituro ng Office of the Ombudsman sina Romualdez at Co bilang mastermind umano sa flood control project anomalies.
Matatandaang idinawit sina Co at Romualdez sa umano’y anomalya sa mga flood control project, ngunit mariing itinanggi ang umano’y mga alegasyon.