WIN NA WIN ANG SENADO

Pana-panahon sa silong ng langit habang naghahanda ang bayan sa magaganap na paglilitis ng abalang pangulo sa darating na araw sa kapulungan ng senado. Sa kasalukuyan, hindi malinaw ang tahakin sa liderato na kapulungan sa ma-ugong na magpapalit ng pangulo. May ilang senador na kasama sa nakakarami ang nagdadalawang puso na ituloy ang suporta sa liderato na silip ang pagkiling sa usaping tatalakayin ng mga tatayong hukom. Ang pagkiling ng kasalukuyang liderato ang dahilan ng mga kinatawan sa banggit na kapulungan sa pagdadalawang puso. Sa ngayon, naghahanda ang kapulungan na tatayong hukom ang nag-iinit ang mga pundilyo at ibig mabago ang kasalukuyang liderato upang matiyak na magiging patas ang takbo ng usaping haharapin sa susunod na mga araw.

Mapait ang bunga ng lideratong hinog sa pilit na lumilinya sa salang gawa upang makuha ang ibig sa susunod na halalan. Ang labing tatlong bilang na nakamit sa mabilisang pagpapalit ng liderato sa senado’y tila nakapatong sa buhangin na walang pundasyon. Ang masakit, dala ang ngalan ng ama na ‘di pinahalagahan dahil sa ambisyon sa kinabukasan. Sa totoo lang, maging ang kapatid sa labas ng politika’y ‘di ayon sa gawa ng Kaldero na nasira ang ngalan ng ama. Walang panlilibak na ibig at binabalikan ang gawang sala na sumira sa institusyon na dating tinitingala. Pansamantala ang panalong nakamit ngunit ‘di makain sa pait na kinalabasan na dagling guguho sa susunod na araw. Ang kaganidan at kawalan respeto sa kapwa ang naglagay sa peligro sa institusyon na minsang dinadakila ng bayan. Silip na sarili ang una sa galawang naganap at ‘di ang bayan, at maraming usapin ang ‘di binigyan pansin higit ang pakinabang ng bayan.

Sa kasalukuyan, hinahayaan si Kalderong na damahin ang pamumuno sa bugok na kapulungan dahil sa susunod na araw, ibababa ang tabak at papalayasin sa pwestong tangan. Marangal na liderato ang ibig na ipalit ng nakakarami na titiyak na magbabangon sa nasadlak na institusyon na nagoyo ng mapagpanggap ng kagalingan ngunit hungkag ang katauhan. Ang masakit, bihasa sa pagpapagamit ang Kaldero ng BGC na tila gumising sa mga kasama na naghahanap ng tamang kaayusan upang maibigay ang katarungan na ibig ng bayan. Sadyang inihahanda ang dalisay na pagsasalin ng liderato ng matiyak ang katatagan hanggang sa susunod na pagpasok ng mga bagong ihahalal na mga kinatawan. Ang pagbangon sa dangal ng kapulungan ang pangunahing layon sa pagpapalit sa liderato at pangalawa ang ibang usapin. At tinitiyak na may ipapalit at papalitan, sa tamang oras.

Ang pabago – bagong pamunuan sa senado’y karaniwan ngunit ‘di inaayunan ang naganap na pagpapalit dahil pagkiling sa salang gawa na ibig pagtagpan dahil sa uspin ng kampihan. Sa totoo lang, bayan ang naghahanap ng katarungan sa salang gawa na nabatid sa pagdinig na naganap sa malawak na kapulungan. Natisod ang salang gawa sa isinasakdal na kusang lumabas dahil sa pagtanggi ng abalang pangulo na sumagot sa mga katanungang ibinabato, ang pinaggamitan ng pondong inilaan sa mga tanggapan pinamunuan. Ang damang pagiging mataas sa mga nagtatanong ang silip na dahilan o susi sa pagkakabatid sa usapin na nahungkat. Nasilip ang pagmamalabis sa pondo ng bayan sa mga sagot na ‘di inaasahan sa abalang pangulo na ganap na luminaw ng busisiin ng mga kinatawang bayan. Oo’ t tapos na ang usapin sa malawak na kapulungan subalit sa pangalawang pagkakataon, sa pagpapasipa humantong ang usapin.

Plantsado na ang usapin sa senado at naglalakas loob ang Kalderong inaatake na pinalalabas ang 13 ngalan ng senador ng muling makausap at pangakuan. Ganap na magkukunwaring handa ang Kaldero ng BGC na ipasa ang liderato sa kung sinong senador subalit todo ang pagbabantay sa anong bilang ang mayroon ang panig na ibig maging bagong pangulo. Ang ‘di batid ni Kaldero, bubulaga sa harap ang pagpapalitan sa oras na matiyak ang katatagan sa liderato na ibig hanggang sa muling halalan. Muli, ang masagip ang nawalang magandang imahe ng kapulungan ang unang layon ng nakakarami. At ang ibang usaping nasa harap na ‘di sinasadyang usapin ang tatalakayin sa pagkakataon na napalitan ang liderato sa senado.

Sa totoo lang, ang magaganap na palitan sa liderato ng senado ang win na win na dapat maganap sa lalong madaling panahon. Ang nawalang ningning ng senado sa kasalukuyan ang ganap ikinalulungkot ng bayan at ang muling ibalik na ningning ibig maganap ng ibig sa pagpapalit ng liderato. Ang nawalang mga talastasan ng mahuhusay na mga kinatawang ang hanap ng bayan. Di’ kailangan ang pusong mamon, ang mataas na boses na mga kinatawan upang bigyan diin ang mga puntong ibig. Ang palitan ng mga paliwanag na ‘di narinig sa kasalukuyan ang ‘di inaasahang magbabalik higit sa uri ng mga kinatawan na ‘di mataasan ng boses at baka maghamon ng babag. Habang sa kabilang dako, ang iyak ng kinatawan na ‘di binatid ang kalagayan sa panahon na inaatake kuno ang kapulungan, ang ibig maglaho.

Ang pagbabago sa liderato sa senado ang pinakahihintay sa kasalukuyan higit sa nalalapit na pagdinig sa pagpapasipa sa abalang pangulo. Hindi ganap na kailangan ang may kaalaman sa batas ang dapat na maging pangulo ng banggit na kapulungan. Ang tamang pagsusuri sa mga inihahain na pagpapatunay, ang tamang tindig sa mga lumalabas na palitan ng mga argumento, ang may pagmamahal sa bayan na patas ang pananaw sa kagnapan ay sapat nang mababangit sa lider na ipapalit. Ang mga tao sa paligid ng tanggapan banggit ang maglilinang ng ilang usapin na maglilinaw sa mga senador na magpapasya. May bentahe ang may kaalaman sa batas ngunit ‘di ganap na kailangan higit silip ang kiling sa usapin. Malinaw na kailangan ng ang patas na pananaw na patungo sa tamang pasya para sa katarungan at katotohanan. Masakit ang hatol na magaganap sa iilan ngunit o kung sa kagalingan ng bayan ang hanap, gawin ng walang pag-aalinlangan.

Ang palitan ang lideratong may pagkiling ang gawing win na win para sa bayan na inaasahan sa senado. Umaasang walang hokus pokus sa pagdinig at ilalabas ang tama’t makatarungang pagpapasya para sa bayan, kay Mang Juan. Umaasang Win na Win ang Senado sa pagpapalit ng liderato at sa pasyang magaganap sa pagpapasipa sa abalang pangulo.

Maraming salamat po!!!!