15% Senior discounts sa kuryente at tubig isinulong ni Senior Citizens Partylist Cong. Ordanes

Isinusulong ni Senior Citizens Partylist Rep. Rodolfo Ompong Ordanes and pagpapalawak ng mga pribilehiyo at benepisyo para sa mga nakatatanda sa bansa.

Sa pamamagitan ng inihaing House Bill 434 o mas kilala bilang “An Act Expanding the Coverage of the Senior Citizen Privileges and Benefits.” layon nitong maitaas ang diskuwento ng mga seniors mula 5 porsiyento ay maging 15 porsiyentong diskuwento sa konsumo ng kuryente at tubig.

Ipinarating ito ni Cong. Ordanes sa katatapos lamang kamakailan na National Consultation on Policies for Senior Citizens na pinangunahan ni National Commission of Senior Citizens (NCSC) chairperson at CEO Atty. Ma. Merceditas Gutierrez na dinaluhan ng mga kasapi mula sa senior citizens organizations (SCOs), federations, Offices for Senior Citizens Affairs (OSCAs), local government units (LGUs), civil society organizations, development partners at online participants nationwide.

“This bill proposes to increase the utility discount from 5% to 15%, raise the consumption thresholds to 200 kWh for electricity and 50 cubic meters for water, and refine the application of the electricity discount by ensuring it applies to 5 incremental usage above the lifeline rate within the allowable consumption cap, while maintaining safeguards on eligibility and residency,” paliwanag ni Cong. Ordanes.

Umaasa si Cong. Ordanes na malaking tulong ito sa hanay ng mga senior citizens sa gitna ng mga nakaambang krisis sa tubig at enerhiya sa gitna pa ng Super El Nino ngayong taon.

“Senior citizens are also entitled to free medical, dental, and laboratory services in government hospitals and health facilities, helping ensure that essential healthcare remains accessible and affordable, saad pa ni Cong. Ordanes.

Nuon pa man ay hangarin ng Senior Citizens Partylist na maiangat at mapalakas ang kapakanan at mga benepisyo ng sektor ng mga nakatatanda.

“Together with preventive health programs and priority treatment in healthcare facilities, these provisions have strengthened our commitment to healthy and active aging,” dagdag pa ni Cong. Ordanes.

Nabuo ang idinaos na national consultation kaakibat ang National Anti-Poverty Commission–Senior Citizens Sectoral Council (NAPC-SCSC) na naglalayong patatagin ang mga kasalukuyang batas at polisiya para matiyak at mapanatiling nakatutugon ito sa mga pangangailangan ng bawat nakatatandang Filipino.