WALANG BABALIKAN
Advertisers
Nagtuloy tuloy ang pagbagsak ng ulan sa maraming bahagi ng kapuluan na nagdulot ng pagbaha na sinundan ng pahayag ni Kin. Sandro Marcos hinggil sa ‘di pagharap ng dating pangulo sa naghihintay na katambal ng anak sa halalan pampanguluhan sa nakaraan. Tulad ng pagbagsak ng ulan, mahaba – habang oras ang paghihintay ng mag-amang umaasa sa ‘di ibig na humarap na dating lider. Sa halip nag-utos sa ilang tauhan na harapin bisitang kandidato na katambal ng anak na si Inday Salakay na nagpaabot ng maraming ibig sa ganap na pag-ayon at endorso sa kandidatura ng dating kandidato na kasalukuyang pangulo ng bansa. Malaman ang banggit ng Kinatawan ng Ilocos Norte na taliwas sa mga pahayag ng dating pangulo na kasalukuyang preso ng ICC na ganap na ibig lisanin ang politika sa pagtapos ng termino. At ang dapat na ingatan ng Pinoy higit ng mga bulag na tagasunod, ang panlililo upang itulak ang sariling pakay o pakinabang.
Sumabay sa pagbagsak ng ulan ang maraming salang gawa ng mga mangmang ng kaTimugan na nabatid ng bayan higit ang pananamantala sa pondo ng bayan na pumasok sa mga lukbutan ng kaTimugan at mga taong sagad ang pagsisipsip sa pamilyang humigop sa kabang bayan. Ang mga taong sumakay sa galaw ng mangmang ng kaTimugan o sa dating pangulo na nagawang mamunini ‘di mapanagot sa gawang salang gawa ng pag-ubos sa pondo ng bayan. Batid ng bayan kung sino – sino ang mga opisyal na nag-ilang doble o triple ang halaga ng yaman gayung ang hanap buhay, ang sumipsip sa mangmang ng kaTimugan na nagmamaskarang lingkod bayan kuno. Dahil ‘di pinapatulan sa mga talastasan, naging palalo gayung batid ang pagiging hungkag sa kaalaman ng katotohanan. At sa panahong kasalukuyan{tag-ulan}, nahimasmasan ang nagtatagong dating hepe ng PNP na si Pugak at lumabas na tumitilaok ng pagtatakwil sa dating pangulo ng bugok na kapulungan na utak sa sandaling paglabas at muling pagtatago.
Sa paglubog ng mga lansangan sa bansa ang dahilan sa paglutang ng maraming usapin sa bansa higit ang uri ng pamamahala ng kaTimugan at mga kasapakat na pagmamalabis sa kabang bayan. Sa kabilang banda, hindi nag-atubili si Sen. PiLac na hukayin ang salang galaw ng kinatawan mula sa BGC na barya baryang sa una ngunit ng lumaon, bilyon bilyong halaga. Ang nakagagalit, ‘di makita ang ilang proyekto at halos simulang proyekto ang nakatambad at aabangan ang susunod na pondo na ilalaan ng bayan. Samantala, nasilip ng ilang tanggapan ng pamahalaan ang salang paglapastangan sa ilang bahagi ng Laguna Lake na pinagbabawal galawin sa batas na ‘di nirespeto ng kaibigan ni Sen. PiLac. Ang masakit, tila umiral ang pagiging mag-Mistah ni PiLac at Pugak at tuwirang binanggit na ang nagpalutang sa huli ang kapatid ni Poison Ivy (Ate) ng maging lider ng bugok na kapulungan. Ang higit na masakit, nasilip ang laki ng inubos ng kapulungan, P700M sa loob ng iilang araw. Napakalaki ang tinustos sa ilang araw na kaguluhan na walang pakinabang ang bayan.
Sa pagpapatuloy ng habagat, ipinakita sa hukom-senador ang “video clip” ang galit na galit na abalang pangulo na nag-usal ng ibig patayin ang ilang matataas na personalidad sa pamahalaan. Kita ang panggagalaiti ng abalang pangulo na kung nasa harap ang pinatutukuyan malamang na nasapak o nautas. Lahad ang galit higit sa dating tagapagsalita ng kamara at sa unang ginang na masasabing tapos na usapin ng pagpapasipa at maari ng husgahan, May sala!
Uulitin, ‘di na kailangan ang mahabang pagdinig sa usapin ng abalang pangulo mula sa kaTimugan dahil ganap na ‘di mapasubalian ang mga patunay na dokumento, video clip at mga patotoo ng mga saksi na sumuri sa mga ipinasang dokumento mula sa mga tanggapan na pinamumunuan ng abalang pangulo. Sa totoo lang, hindi mawari kung anong mga dokumento, video clip ang ihaharap ng depensa na magpapasubali sa mga iniharap ng taga-usig. Sa takbo sa nagaganap na usapin sa hukom-senado walang masilip na magagamit na pangharang o pasubaling dokumento ang depensa upang ibangga sa iniharap ng taga-usig. Sa totoo pa rin, naniniwalang mapapawalang sala si Inday Salakay sa usaping kinahaharap, kung maihaharap o ihaharap sina Mary Grace Piattos, Andy Lim at ibang pangalan na tinukoy sa dokumentong pinatunayan ng mga saksi. Hindi magdadalawang isip ang Batingaw na bigyan espasyo ang pagpapawalang sala sa abalang pangulo sa oras na maiharap ang mga banggit na ngalan na malabong mangyari.
Sa totoo pa rin, inaasahan o umaasa na maghaharap ang depensa ng mga kaukulang dokumento, mga saksi na pabubulaanan ang mga dokumentong iniharap ng taga-usig at patotoo ng mga saksi na iniharap. Hindi tatalon sa dulo ng pagdinig o konklusyon sa patas na pagdinig, iisa ang ibig, makitang may mapanagot sa salang gawa ngunit hindi ang mga maliliit na tauhan na umaako sa sala ng iba at umaasa na mabigyan ng laya sa panahon na makaupo sa panguluhan. At bahala sa kinabukasan. Sa pagkakataon na mapapawalang sala ang pinatutukuyan sa usapin, ikagagalak ngunit ‘di tama na may-aako sa sala ng may gawa. At sa pagkakataong banggit, naniniwala na walang kinabukasan ang bayan sa uri ng mga humusga na papabor sa tiwali. Ngunit ‘di umaasa na ‘di maganap sa dulo ng pagdinig ang salang paghatol ng mga hukom-senador. Ang mapanagot ang dapat managot ang layon na magpapalaya sa bayan sa kasakiman ng iilan na pasanin sa balikat ni Mang Juan.
Ang paglalahad ni Kin. Sandro sa panayam, ganap ang tindig ni Jun Singhot sa usaping nasa harap at ‘di kailangang iusal ang ibig sa mga hukom-senador. Walang pambabrasong magaganap at ganap na hahayaan ang mga hukom-senador na tumindig sa tama at para sa bayan sa pasyang igagawad. Inaasahan, sa pasyang gagawin sa dulo ng pagdinig hinggil sa pagpapasipa sa abalang pangulo, ang bayan ang isasa-alang alang na naghahanap ng katarungan sa salang gawa. Igagalang ang pasyang gagawin ngunit umaasa na ang tindig sa tamang hustisya para sa bayan ang gagawin sino man ang masagasaan. Ang tumindig sa katotohanan, ang tatak sa kasaysayan habang ang pasyang sala, walang babalikan sa kinabukasan.
Maraming salamat po!!!!