Alex Eala tinipok ang kalabang Thailander sa loob ng 55 minuto

HINDI napigilan ng pag-ulan si Alex Eala na mangibabaw sa kanyang unang laban sa Asian Games 2026,tinalo si Patcharin Cheapchandej ng Thailand, 6-1, 6-0, sa ikalawang round sa Indoor Court C sa Higashiyama Park Tennis Center.

Si Eala, na nakatanggap ng first-round bye bilang top seed sa women’s singles tournament, ay nakapasok sa quarterfinals.

Ang laban ni Eala ay orihinal na nakatakda sa Center Court para makita ng mga fans noong madaling araw ng Lunes, pero dahil sa ulan, kinailangan ng mga organizers na ilipat lahat ng tennis matches sa loob ng gusali.

Ipinakita naman ng Filipino tennis star ang kanyang world-class na talento sa indoor courts na kadalasang ginagamit para sa practice nang matapos niya si Cheapchandej sa loob lamang ng 55 minuto.

“I think I performed pretty well, wik ni Eala. “Of course, the conditions are not ideal. But I guess it’s our job to adapt and it’s something not in our control. And of course, it adds some adversities, but that goes for everybody, I guess.”

Nakapagsimula si Eala ng 4-0 sa unang set bago sa wakas ay nakapuntos ang 31-taong gulang na Thai sa ikalimang laro.

Pagkatapos, tinapos niya ang opening set sa pamamagitan ng sunod-sunod na panalo sa mga laro at hindi tumigil sa ikalawang set para mapataob si Cheapchandej, na nakapuwesto bilang No. 517 sa mundo.

Habang patuloy na umaangat ang kanyang career, layunin ni Eala na mapabuti pa ang kanyang medalya sa 2022 Asian Games, kung saan nanalo siya ng dalawang bronze sa women’s singles at mixed doubles kasama si Francis Casey Alcantara.

Si Eala ay nasa tamang landas din para sa kwalipikasyon sa Los Angeles Olympics 2028 sa pamamagitan ng Asian Games.

Si Eala ay nagnanais na patuloy na gumawa ng kasaysayan kasama ang Team Philippines matapos ang kanyang makasaysayang gintong medalya sa women’s singles tournament sa Southeast Asian Games noong Disyembre.

Kailangan niyang bumawi matapos ang maagang pagkatalo sa Singapore Open bago sumali sa pambansang tennis team sa Aichi-Nagoya, kung saan nakapaloob din siya sa women’s doubles tournament.