Malalaking cash withdrawal ni VP Duterte lumitaw sa AMLC records

LUMABAS sa mga official exhibit ng Anti-Money Laundering Council o AMLC na iniharap sa Senate Impeachment Court ang ilang malalaking cash withdrawals at check encashments umano na nakapangalan kay Vice President Sara Duterte noong December 2024.

Batay sa mga dokumentong ipinakita sa paglilitis, kabilang sa mga transaksyon ang nasa P2.37 milyon na withdrawal sa LandBank noong December 5, 2024.

Noong December 20 naman, nakasaad ang humigit-kumulang P5.96 milyon na transaksyon sa BDO Davao at P1.70 milyon sa Metrobank Davao.

Ang mga naturang halaga ay bahagi ng financial transaction records na iniharap ni AMLC Exec. Director Ronel Buenaventura sa impeachment court sa patuloy na paglilitis laban kay Vice President Duterte.