CHINESE EMBASSY, IKINATUWA ANG DFA REITERATION NG ONE-CHINA POLICY

“The Chinese Embassy said it appreciates the ‘reiteration of the ‘One-China’ policy by the DFA (Department of Foreign Affairs) of the Philippines.”

Ito ang inihayag ng embahada, dahil sa ilalim umano ng mga “current circumstances, the public statement is timely and necessary in preventing certain forces from sabotaging China-Philippines relations by playing with the Taiwan question.”

Gayunman, hindi umano tinatanggap ng Embassy ang DFA public statements kaugnay ng pagsagot nito sa mga batikos at paninira laban sa China.

“The Embassy is always committed to managing differences with the Philippines through diplomatic channel,” ayon sa statement.

“Meanwhile the Chinese Embassy will not remain silent when China’s interests and dignity are undermined. This is the duty that diplomatic mission must perform,” dagdag pa nito.

Di na rin sumagot ang embahada sa pinakahuling mga atake laban sa China at ayon dito”Such fallacies from an extremely anti-China figure are not worth responding at all.”

Muling pinagtibay ng Department of Foreign Affairs (DFA) ang paninindigan ng Pilipinas sa One China Policy nitong Huwebes, Oktubre 22, 2026.

Ginawa ng kagawaran ang pahayag matapos batikusin at pagpaliwanagin ng Chinese Embassy si Defense Secretary Gilberto Teodoro sa social media dahil sa pag-share ng post na nagsasabing “self-governed” ang Taiwan.

Binigyang-diin ng DFA na ang Pilipinas ay patuloy na sumusunod sa One China Policy na nakasalig sa 1975 Philippines-China Joint Communiqué. Kinikilala ng bansa ang People’s Republic of China (PRC) bilang nag-iisang legal na gobyerno ng Tsina, at iginagalang nito ang posisyon ng Beijing na ang Taiwan ay bahagi ng teritoryo ng Tsina. (JERRY S. TAN)