SOLGEN: PONDONG APEKTADO NG SC RULING ‘WAG GALAWIN

HINIMOK ng Office of the Solicitor General (OSG) ang Department of Budget and Management (DBM) at ang ehekutibo na pansamantalang ipagpaliban ang ilang hakbang sa paggamit ng apektadong pondo sa 2026 national budget habang hinihintay ang paglilinaw ng Korte Suprema.

Ayon kay Solicitor General Darlene Berberabe, may mga probisyon sa desisyon ng korte na kailangang linawin upang maiwasan ang posibleng problema sa pagpapatupad ng natitirang badyet ngayong taon.

Partikular na nais ng OSG na linawin ang mga paghihigpit sa paggamit ng Special Provisions 1-A at 1-B sa 2026 General Appropriations Act.

Inaasahan ni Berberabe na mabibigyan ng prayo-ridad ng Korte Suprema ang usapin upang hindi maantala ang pagpapatupad ng mga programa ng pamahalaan. (Gilbert Perdez/Vanz Fernandez)