Shortlist ng mga kandidato para maging susunod na Chief Justice, Associate Justice hawak na ni PBBM

ISINUMITE na ng Judicial and Bar Council (JBC) sa Office of the President (OP) ang mga shortlist ng mga kandidato para maging susunod na chief justice at associate justice ng Supreme Court (SC).

Kabilang sa mga pasok sa listahan sina SC Justices Alfredo Benjamin Caguioa, Japar Dimaampao, Marvic Leonen, Jose Midas Marquez at Rodil Zalameda.

Si Chief Justice Alexander Gesmundo ay naka-takdang magretiro sa susunod na linggo, Nobyembre 6.

Samantala, kabilang naman sa mga kandidatong swak sa listahan para maging susunod na mahistrado ng SC sina Ramon Bato, SolGen Darlene Berberabe, Gamaliel Cordoba, Ramon Cruz, Maria Elisa Diy, Maria Garcia Fernandez, Fernanda Lampas-Peralta, Ernesto Maceda Jr., Ronaldo Roberto Martin, Walter Ong, at Maria Rowena San Pedro.

Ang mapipili ni Pangulong Ferdinand Marcos Jr. ang siyang papalit sa posisyong iiwan ni Justice Amy Lazaro-Javier na magreretiro sa Nobyembre 16 ngayong taon. (Gilbert Perdez/Vanz Fernandez)