3 salvage victims tinapon sa sementeryo sa Leyte

TATLONG bangkay ang nakita sa isang sementeryo sa Barangay Padoga sa bayan ng Calubian, Leyte, Martes ng madaling araw.

Sa report, ang dalawang bangkay ng lalaki ay tinatayang nasa edad 30 – 35 anyos, habang ang isa namang bangkay na babae ay nasa 25 – 30 anyos.

Ang mga bangkay ay nakita ng ilang residente na siyang nagbigay impormasyon sa Calubian Municipal Police Station.

Ang dalawa sa mga bangkay ay nakatali, may mga tama ng baril at tila pinagsasaksak naman ang babae at ginilitan ito sa leeg.

May katabing motorsiklo rin ang bangkay ng dalawang lalaki.

Nag-iimbestiga pa ang pulisya sa krimen.