P135.4m shabu huli sa 3 tulak sa Las Piñas at Parañaque City

BUMABAHA na ng droga.

Nagkakahalaga ng P135.4 million ng shabu ang nasamsam ng mga operatiba ng Philippine Drug Enforcement Agency sa magkasunod ng buy bust operations sa Parañaque City at Las Piñas City nitong Martes.

Sa unang buy bus, nadakip sina January Berroya, 41, ng 207 San Roque St., San Pedro, Laguna; at Rolando Sanchez, 57, ng 128 Jimenez St., Kalawaan, Pasig City.

Ayon kay PDEA Director GeneralWilkins Villanueva, 1:30 ng hapon nang magsagawa ng buy bust operation ang pinagsanib na elemento ng PDEA RO-NCR RSET, ISAFP Task Force NOAH, PDEG- NCR, at Parañaque City Police Station sa open parking ng SM Sucat Bldg. B sa C.P. Garcia, Paranaque City.

Nasamsam sa operasyon ang 2 kilos ng shabu na nagkakaha-laga ng P13.6 million.
Samantala, 3:00 ng hapon nang magsagawa ng isa pang bust bust ang pinagsanib na elemento ng PDEA Regional Office -National Capital Region Southern District Office, AFP TF NOAH, PNP-DEG SOU-NCR, NICA, NCRPO- RID, at Las Piñas City Police Station sa PNB Homes, BF Resort, Bgy. Talon Dos, Las Piñas City. Nadakip rito si Moises Joshua Esguerra, 23, ng Block 8 Lot 1 PNB Homes, BF Resort, Brgy. Talon Dos.

Nabilhan ng poseur buyer si Esguerra ng 1 kilo ng shabu na nagkakahaga ng P6.8 million, at nakunan pa ng 17 kilos ng droga na nagkakahalaga ng P115 million. (Mark Obleada)