Extension ng lockdown sa Metro Manila fake news – MMDA Chairman Abalos

FAKE news umano ang kumakalat na balita na palalawigin ang umiiral na Enhanced Community Quarantine (ECQ) sa Metro Manila.

Ayon kay MMDA Chairman Benhur Abalos, wala pang napag-uusapan na palawigin ang ECQ na epektibo hanggang Agosto 20.

Nakiusap si Abalos sa mga nagpapakalat ng fake news na huwag magpakalat ng maling impormasyon.

Samantala, ayon kay Trade and Industry Sec. Ramon Lopez, hindi pa natatalakay ng Inter Agency Task Force on Emerging Infectious Diseases (IATF) kung ie-extend ang lockdown.

Aniya, magastos magpatupad ng lockdown dahil kailangan magbigay ng ayuda ang pamahalaan. (Jonah Mallari)