Walang toll fee increase habang may pandemya – DOTr

TINIYAK ng Department of Trabnsportation (DOTr) na walang ipatutupad na toll fee increase sa mga expressways sa bansa habang may pandemya sa COVID-19.

Siniguro ito ni Transportation Secretary Art Tugade sa mga motorista matapos ang signing ang Supplemental Toll Operations Agreement (STOA) para sa Pasig River Expressway (PAREX) sa pagitan ng Department of Transportation at San Miguel Corporation.

Ani Tugade, naiintindihan naman niya ang hirit ng mga tollway operators na mag-increase ng toll fee para maipagpatuloy ang operasyon pero kinakailangan naman na protektahan ang interes ng publiko.

Ayon pa kay Tugade, kailangan na balansehin ang pangangailangan ng mga investor at ng taong bayan.

Nabatid na ang 19.4-kilometer, six-lane elevated expressway na PAREX ay magko-konekta sa Radial Road-10 sa Manila, EDSA, at C5.