Baby nalaglag sa kama, nilamon ng baha

Nilamon ng baha ang siyam na buwang gulang na sanggol nang mahulog sa kama.

Ayon sa ulat, nakita mismo ng ama ng sanggol na babae ang pagkakahulog sa higaan ng biktima, na mabilis na tinangay ng malakas na agos 9:00 ng umaga, Hulyo 13 sa Purok Bukang Liwayway 1, Barangay Candelaria sa San Fernando, Pampanga.

Wala ang ina ng sanggol nang mangyari ang insidente dahil may interview ito para sa 4Ps sa kanilang munusipyol.

Makalipas ang ilang oras noon lamang narekober ang bangkay ng sanggol.