Bebot, ginilitan ni Mister

GINILITAN at pinagsasaksak ng isang lalaki ang kaniyang kinakasama sa Lingayen, Pangasinan.

Kinilala ang biktima na si Jennifer Engalla, 45 anyos. Naaresto naman ang salarin na si Rod Navarro.

Ayon sa pulisya, lasing si Navarro nang paslangin ang biktima sa bakuran ng kanilang tirahan sa Barangay Domalandan West.

Sa ulat, nagkaroon ng mainit na pagtatalo ang dalawa na nauwi sa pagkuha ni Navarro ng patalim at pinagsasaksak at nilaslas ang leeg ng biktima.

Paliwanag ni Navarro, napuno na siya sa lagi nilang pagtatalo ng kinakasama.

Desidido naman ang pamilya ng biktima na kasuhan si Navarro.