MAG-ASAWANG TULAK AT KAPATID TIMBOG SA DROGA SA MONTALBAN!

TIMBOG sa droga ang mag-asawa at kapatid ng isa sa mga ito sa buy bust operation ng mga operatiba ng Rodriguez PNP.

Sa ulat kay P/Lt. Colonel Christopher Dela Peña, hepe ng Rodriguez Police, kinilala ang mga nadakip na sina Ferdinand Bonoso, kapatid na si Wifredo at misis ng huli na si Elizabeth, pawang nasa hustong gulang.

Unang, naaresto si Ferdinand 11:20 ng gabi sa Cacho St., at sumunod ang mag-asawang Wifredo at Elizabeth 11:30 ng gabi sa Libis Dike-2, sa Barangay Balite ng nabanggit na bayan.

Ayon sa imbestigasyon nina Corporal Danny Tupaz at Ssgt. Andrew Brioso Guerrero, nasamsam kay Ferdinand ang 0.33 gramo at 0.50 gramo naman sa mag-asawa.

Nakakuha pa kay Ferdinand ng 7 transparent plastic sachet, habang 11 kina Willy at Elizabeth at ginamit na buybust money. (Edwin Moreno)