NCR Plus mananatili sa GCQ mula Hunyo 16-30

MANANATILI sa General Community Quanrantine (GCQ) ang National Capital Region (NCR) at iba pang kalapit na lalawigan matapos na ianunsyo ni Pangulong Rodrigo Duterte ang pagpapalawig nito mula Hunyo 16 hanggang 30.

Sa kanyang ulat sa bayan nitong Lunes ng gabi, sinabi ni Pangulong Duterte na ang Metro Manila at Bulacan ay isasailalim sa general community quarantine “with some restrictions” simula ngayong araw hanggang Hunyo 30.

Habang ang Rizal, Laguna at Cavite ay isasailalim sa GCQ “with heightened restrictions” hanggang sa katapusan ng buwan.

Kabilang naman sa ilalim ng modified enhanced community quarantine (MECQ) ay ang mga sumusunod na lugar:

Santiago, Cagayan, Apayao, Ifugao, Bataan, Lucena, Puerto Princesa, Naga, Iloilo City, Iloilo Province, Negros Oriental, Zamboanga City, Zamboanga Sibugay, Zamboanga Del Sur, Zamboanga Del Norte, Cagayan De Oro, Davao City, Butuan City, Agusan Del Sur, Dinagat Islands, Surigao Del Sur. (Vanz Fernandez/Josephine Patricio)