Duterte ayaw parin sa face-to-face classes
Advertisers
BINIGYANG-DIIN ni Pangulong Rodrigo Duterte na hindi muna magkakaroon ng face to face classes hangga’t hindi nababakunahan ang lahat laban sa covid-19.
Sa kanyang ulat sa bayan nitong Lunes ng gabi, sinabi ni Duterte na kinakailangan munang maturukan kontra COVID-19 ang lahat bago palawigin ang restriction sa bansa.
Ipinabatid ni Duterte kay Department of Education Secretary Leonor Briones na hindi pa maaaring ipatupad ang face-to face-classes.
Dahil dito, minabuti ng DepEd na bawiin na ang kahilingan na makapagsagawa ng limited face-to-face classes sa elementarya at high school sa low risk areas.
Sinabi ni Briones na tanggap nila ang desisyon ni Pangulong Duterte dahil batid niya na mas marami itong nalalaman base sa mga impormasyon. (Josephine Patricio)