Higit P600k droga sa kahon ng face shield nasabat sa Maynila

TIMBOG ang isang drug suspect sa buy-bust operation ng Philippine National Police Drug Enforcement Group sa Baseco Compound, Manila nitong Lunes.

Nagbenta ng P300,000 halaga ng shabu ang target na si alyas “Blue”, 32, residente ng Baseco.

Kumpiskado sa kanya ang 2 plastic ng shabu na isinilid sa kahon ng face shield.

May bigat itong 100 gramo at abot sa P680,000 ang halaga.

Ayon sa PDEG, miyembro ng sindikato ang suspek na nagtutulak ng iligal na droga sa National Capital Region at mga kalapit-probinsya. (Jocelyn Domenden)