Malupit! Mag-asawa maghaharap sa pagka-mayor

KAPWA naghain ng certificate of candidacy (CoC) sa pagka-mayor ang mag-asawa sa Northern Kabuntalan, Maguindanao.

Ang mag-asawa na maglalaban sa eleksyon ay sina reelectionist Mayor Datu Ramil Dilangalen at incumbent Vice Mayor Mary Jane Bayam para sa posisyon ng pagka-alkalde ng Northern Kabuntalan.

Marami ang nagtaka kung bakit magkatunggali ang mag-asawa sa pagka-alkade.

Hindi rin malinaw ang naging ugat kung bakit magkakatapat sa mayoralty position ang mag-asawa.

Umunlad ang bayan ng Northern Kabuntalan dahil sa pagtutulungan ng mag-asawang Dilangalen.