UAAP: FEU pinahiya ang La Salle

NASILAT ng Far Eastern University ang De La Salle University sa iskor na 67 – 62 Martes ng umaga sa Mall of Asia Arena.

Dahil sa krusyal na panalo ng Tamaraws umangat ang kanilang rekord sa 6-6 at pagtibayin ang kanilang tsansa sa Final 4 sa UAAP Season 84 men’s basketball tournament. Samantala ang Green Archers ay nalasap ang ikalawang sunod na kabiguan para malaglag sa 7-5.

Pinamunuan ni rookie guard RJ Abarrientos ang opensa ng Tamaraws sa iniskor na 21 points,habang si Xyrus Torres nagdagdag ng 14 at Patrick Sleat umiskor ng 10, Ljay Gonzales kinapos sa double-double na may nine points at 10 rebounds.

“At the half, sinabi ko sa kanila, na we have to play 40 minutes of great basketball to beat La Salle. Medyo we played a bad third quarter,” Wika ni FEU coach Olsen Racela. “Luckily noong fourth quarter, we stepped it up defensively and we executed on offense. Getting the much-needed stops and much-needed baskets also.”

Ang FEU ay nagwagi ng tatlong sunod-sunod na laro bago ang laban kontra defending champion Ateneo de Manila University sa Huwebes. Puntirya ng Tamaraws na dugtungan ang streak sa pitong magkasunod na Final 4 appearances.

Evan Nelle umiskor ng 15 points, seven rebounds at five assists,habang si Justine Baltazar nagdagdag ng 13-point,16-rebound double-double para sa Green Archers.

Hindi naglaro ang swingman Schonny Winston, na nakaupo sa boung laro.