CAGER-POLITICIANS, KOPO SA SAN JUAN

IMPRESSIVE ang resulta ng kampanya sa San Juan City ng cager-politicians ngayong May 9, 2022 national and local elections (15-0) sa tiket ni re-electionist Mayor FRANCIS ZAMORA, dating starcager ng UNIVERSITY ATHLETIC ASSOCIATION OF THE PHILIPPINES/LA SALLE GREEN ARCHERS.

Anak ni ex-Congressman RONNIE ZAMORA si Mayor FRANCIS kaya hindi bago kung malinya siya sa pulitika mula sa mundo ng basketball. Kasama niya sa tiket ang kapwa basketball players na sina re-electionist PAUL ARTADI, RAIN OR SHINE starcager JAMES CARLOS YAP, DON ALLADO, ERVIC VIJANDRE, at MACKY MATHAY. Buo ang waging kampo with Vice-Mayor WARREN VILLA at Representative Atty. BEL ZAMORA, kapatid ni FRANCIS, sa 15-0 victory para sa Team Makabagong San Juan.

JAMES YAP, MAY FALLBACK NA SA RETIREMENT

HUDYAT na ng posibleng pagreretiro ni JAMES “BIG GAME” YAP mula sa basketball world. Dating starcager ng PUREFOODS mula sa UAAP/UE RED WARRIORS at ligang amateur PHILIPPINE BASKETBALL LEAGUE, hawak siya ngyon ng ROS na buo ang suporta sa kanyang political journey habang patuloy na lumalaro sa koponan at extended ang kontrata na recently expired last December.

Ngayong matagumpay na nakapasok sa pulitika para sa public service bilang fulfledged Councilor ng San Juan 1st District, feel na feel na ang pagreretire ng ex-hubby ni Queen of All Media at ex-presidential daughter/sister KRIS AQUINO. Masaya na at tahimik si JAMES sa bagong pamilya with MICHELA CAZZOLA at kids na sina MICHAEL JAMES at FRANCESCA kahit nam-miss ang anak nila ni KRIS na si BIMBY aka BABY JAMES.

Sino ang mag-aakalang sa pulitika rin pala matatagpuan ni JAMES YAP ang next career samantalang nadikit lang siya noon sa pamilya ni KRIS na sina former President CORY AQUINO at ex-President BENIGNO ‘NOYNOY” AQUINO? Well, walang nakapagtataka dahil isang hibla na lang halos ang pagitan ng caging world sa showbiz na basehan ng popularity. Popularity is next to winnability pag pulitika ang pag-uusapan.

May karapatan naman sa public service ang cager-politicians to think na maganda ang kanilang educational background mula sa requirement ng basket world na college education para sa players.

Isa si JAMES sa sikat na cagers na kilala sa pagiging matulungin especially sa fans na lumalapit. Sabi nya nga minsan with humble expression, “Wala naman talagang karanasan (sa pulitika) pero sa karanasan ko as celebrity basketball player, dati nang tumutulong at maraming lumalapit.”

Sa lahat ng mga pinalad na cager-politicians, Congratulations,more power and GOD BLESS. Sana ay marami pa kayong maging kontribusyon sa Serbisyo Publko. HAPPY READING!