SEN. HONTIVEROS BAGONG LIDER NG OPOSISYON

IBINILIN ni outgoing Vice President Leni Robredo ang pamumuno sa oposisyon kay reelected Senator Risa Hontiveros.

Ito ay makaraang manumpa si Hontiveros kay Robredo sa Office of the Vice President.

“Noong alam na natin ‘yung resulta ng eleksyon, tinext ko si Senator Risa. Sabi ko kay Senator Risa, ikaw na ang ‘yung lider namin. Kaya please know na nasa likod mo lang kami. Nasa likod mo lang kami, tutulong kung kailan mo kami kailangan,” pahayag ni Robredo.

“Uulitin ko ‘yun ngayon, Sen. Risa, na you are now the highest elected official sa oposisyon and lahat kami masaya na ikaw yung natitirang humahawak ng ating bandila,” wika pa niya.

Samantala, sinabi ni Hontiveros na itutuloy niya ang mga nasimulan niyang adbokasiya para sa pagbuti ng pamumuhay ng mga Filipino.

“We have always been a nation choosing to hope for a fresh start, for better outcomes, for progress. But we have no more time to lose. Every effort counts. Everyday is a chance for me, and for us in government, to do justice to every Filipino,” ang sabi nito.

Nanindigan din ang senador na hindi niya kukunsintihin ang mga nasa likod ng fake news.

“But we will not tolerate people who bear false information. We will fight back harder, against rumors, lies, propaganda, and fake news. Let me make this even clearer: this is a stern warning to all the dubious characters in the fake news universe: This time, we will not let your reckless disregard for truth slander our democracy—our country— ever again,” dagdag pa ng senador.

Kasama ni Hontiveros sa kanyang panunumpa kay Robredo ang mga anak na sina Issa, Helena at Sinta.

Nag-alay din ng Thanksgiving Mass si Hontiveros, na isinelebra ni Bishop Emeritus Antonio Tobias sa Our Lady of Remedies Parish sa Malate, Maynila. (Mylene Alfonso)