10 bahay inararo ng truck: 2 patay

Nasawi ang dalawang tao nang mabangga ng isang 10-wheeler truck na nang-araro ng ilang bahay sa Samal Island, Davao del Norte, Miyerkoles ng hapon.

Sa ulat, galing sa Brgy. Tagbay ang truck at pagdating sa Brgy. Cawag, nawalan ng kontrol sa manibela ang driver.

Nag-overshoot sa gilid ng kalsada at bumaliktad ang truck.

Ayon sa report, mahigit 10 bahay ang nasira nang mabangga ang mga ito ng truck.

Nabangga rin ang isang 25 anyos na guro na nasawi sa trahedya.

Dead on the spot din ang pahinante ng truck na naipit.