Mag-ina binaril sa loob ng bahay: Mommy patay, anak sugatanl

PATAY ang isang ginang at sugatan ang anak nitong babae nang pagbabarilin sa bayan ng Bula, Camarines Sur noong Biyernes.

Kinilala ang nasawi na si Gigi Memes, 37 anyos; habang sugatan ang 11-anyos nitong anak na babae na mga residente ng Zone 4-B Barangay Casugad, sa nasabing bayan.

Sa report ng Bula Police Station, 5:00 ng umaga nang maganap ang krimen sa loob ng bahay ng mag-ina.

Lumabas sa imbestigasyon na pinasok ng hindi pa kilalang kalalakihan ang bahay ng mga biktima sa pamamagitan ng pagdaan sa likod at pinagbabaril ang mag-ina.

Tinamaan sa dibdib ang ina, habang sa braso naman ang anak nito.

Kaagad na tumakas ang mga salarin.

Patuloy pang nagsasagawa ng imbestigasyon ang pulisya.