53°C heat index sa Mindoro, pinakamataas ngayon taon
Advertisers
NAITALA ang “extremely dangerous” na heat index ngayon taon sa San Jose, Occidental Mindoro.
Ayon sa PAGASA, tanghali nitong Miyerkoles nang maitala ang 53°C sa naturang bayan.
Ito na ang bagong pinakamainit na heat index ngayon taon, nalagpasan ang 50°C na naitala sa Legazpi City, Albay noong Mayo 13.
Ang mga sumunod na pinakamataas na heat index nitong Miyerkoles ay 49°C na naramdaman sa Virac, Catanduanes; Aparri, Cagayan, at Butuan City, Agusan del Norte.
Paliwanag ng PAGASA, ang 52°C pataas na heat index ay itinuturing na “extremely dangerous” at maari nang magdulot ng heat stroke.
Samantala, ang 42°C hanggang 51°C ay “dangerous” at maaring maging sanhi ng heat cramps at heat exhaustion.