Sharon, Claudine, Janine, at Maja, pukpukan sa best actress sa 38th Star Awards for Movies

Ni ARCHIE LIAO

INANUNSYO na ng pamunuan ng Philippine Movie Press Club sa pamamagitan ng pangulo nitong si Fernan de Guzman ang mga nominado sa ika-38 edisyon ng Star Awards for Movies na gaganapin sa Hulyo 16, 2023 sa Manila Hotel.
Pukpukan sa best actress award sina Claudine Barretto (Deception) Sharon Cuneta (Revirginized), Rita Daniela (Huling Ulan Sa Tag-Araw), Alessandra De Rossi (My Amanda), Sunshine Dizon (Versus), Janine Gutierrez (Dito At Doon), Angelica Panganiban (Love Or Money), Yassi Pressman (More Than Blue), Maja Salvador (Arisaka) at Charo Santos-Concio (Kun Maupay Man It Panahon).
Magtutunggali naman sa best actor sina John Arcilla (On The Job 2: The Missing 8), Christian Bables (Big Night!), John Lloyd Cruz (Historia Ni Ha), Dingdong Dantes (A Hard Day), Paolo Gumabao (Lockdown), Daniel Padilla (Kun Maupay Man It Panahon), Piolo Pascual (My Amanda), JC Santos (More Than Blue), Vince Tañada (Katips) at Dennis Trillo (On The Job 2: The Missing 8 ).