Presyo ng karne, itlog, isda lalo pang tataas

IBINABALA ng Philippine Association of Feed Millers Inc. (Pafmi) ang posibleng pagtaas pa lalo ng mga presyo ng mga poultry at iba pang produkto sa Pilipinas dahil na rin sa nagpapatuloy na mababang local supply ng mais at ang pagbaba na rin ng kalidad ng mga ito.

Ayon kay Pafmi President Edwin Mapanao, ang mais ang pangunahing sangkap na ginagamit sa paggawa ng pagkain ng mga hayop at tiyak na makaka-apekto ang mababang supply nito, kasama na ang mababang kalidad nito.

Tinukoy ni Mapanao ang presyo ng itlog, karne ng manok, baboy, isda, at iba pang agricultural products na maapektuhan sa naturang problema.

Kailangan aniyang tutukan na ng pamahalaan ang mas mataas na produksyon, kasama na ang pagbibigay importansya sa kalidad ng mga produktong mais sa bansa.