Advertisers

Advertisers

Video ng mag-live-in na pinatay sa bus inilabas ng kaanak

0 33

Advertisers

PINAG-AARALAN ngayon ng pulisya ang isang video na inilabas ng kapatid ng ginang na pinatay sa loob ng bus ng Victory Liner kasama ang kanyang live-in partner habang bumabagtas sa Carranglan, Nueva Ecija, na maaaring makatulong at magbigay-linaw sa nasabing karumal-dumal na krimen.

Sa video, tila nagpapakita ito ng galit ng biktimang si Gloria Mendoza Quillano sa sariling anak bago ang brutal na pamamaslang sa ginang at sa kinakasama nito noong Miyerkules habang lulan ng bus.

Sa nasabing video, may pahayag si Quillano na: “Ginawa ko itong video na ito para sabihin na ang aking anak na si—ay walang karapatan mag-stay sa bahay ko o kumuha ng mga ani.”



Magugunita na bukod kay Quillano, 60 anyos, patay rin ang live-in partner niyang si Arman Bautista, 55, dahil sa mga tama ng bala ng baril sa ulo, na makikita sa video ang aktuwal na pagpatay sa dalawa.

Ayon sa kapatid ni Quillano, wala silang ibang hangad kundi mabigyan ng hustisya ang pagkamatay ng kapatid niyang si Gloria at lumabas ang katotohanan.

Nabatid na una nang kinasuhan ni Gloria ang kanyang sariling anak ng carnapping at robbery subali’t nakapagpiyansa.

Pero iginiit ng abogado ng anak ng biktima na nagkaayos at nagkapatawaran na ang mag-ina kaya laking gulat nila nang maglabas ang PNP na isa ang kanyang kliyente na “person of interest” sa krimen.