Drug dealer, timbog sa GenSan

Kulong na ang drug dealer nang makunan ng shabu sa isang entrapment ng mga operatiba ng iba’t-ibang mga unit ng Police Regional Office-12, sa Purok 8, Phase A, Barangay Mabuhay, General Santos City nitong Biyernes ng madaling araw, December 1, 2023.

Kinilala ang naaresto na si Carl Bancairan Benarilao.

Sa ulat, agad inaresto ang suspek ng mga hindi unipormadong mga pulis na naglatag ng naturang entrapment matapos magbenta sa kanila ng ilang sachet ng shabu.

Ayon sa General Santos City Police Officem nahaharap na sa kasong paglabag sa Comprehensive Dangerous Drugs Act of 2002 si Benarilao.