WANTED NA EX-PS-DBM CHIEF TIMBOG SA DAVAO

NADAKIP na ng mga otoridad si dating Procurement Service of the Department of Budget Management (PS-DBM) officer-in-charge Lloyd Christopher Lao.

Ayon kay Criminal Investigation and Detection Group (CIDG) chief Major General Leo Francisco, nadakip si Lao sa Davao City.

Nabatid na sa Davao nagtago ang dating opisyal makaraang maglabas ng warrant of arrest ang Senado.

Magugunitang ilang ulit sinubukan ng Senate Sergeant-at-Arms na isilbi kay Lao ang arrest order ngunit wala ito sa mga bahay na nakatala bilang kaniyang home address.

Nahaharap si Lao sa paglabag sa R.A. 3019, Anti-Graft and Corrupt Practices Act.

Naging kontrobersyal si Lao dahil sa pagkakadawit niya sa usapin ng napakamahal na pagbili ng COVID-19 kits noong kasagsagan ng pandemya para sa health workers.