Julie Anne San Jose saging ang sikreto ng magandang boses

Ni Anne Venancio

Magaling kumanta, tumugtog ng gitara, magkompos ng kanta at umarte kaya swak kay Julie Anne San Jose na bansagang Asia’s Limitless Star.

Sa interbyu sa kanya sa ‘Fast Talk with Boy Abunda,’ inamin nito na ang musika ay tila salamin ng kanyang mga damdamin, mapa-saya man o lungkot.
Bata pa lang daw siya ay hilig na niya ang pagkanta kung saan sumasali siya sa iba’t ibang singing competitions.

“Naging routine na sa akin ang pag-iingat sa boses.” Nung bata ako, iniiwasan ko talaga ang malamig at matatamis. Hindi rin ako kumakain nang sobra bago mag-perform kasi baka mahilo o masuka ako habang kumakanta. I eat bananas all the time para smooth ‘yung lalamunan. It helps me though.” kwento pa ni Julie Anne.