Ex-police, 2 bgy. officials timbog sa drug bust

ARESTADO ang apat na drug personalities, kabilang ang isang dating pulis at dalawang opisyal ng barangay sa magkakahiwalay na operasyon kontra-iligal na droga sa Barangay Licu-an sa Dingle, Sabado ng hapon.
Kinilala ang mga naaresto na sina alyas “Eduard”, isang dating opisyal ng pulisya na nakalista bilang isang High-Value Individual; alyas “Kor”, isang kasalukuyang barangay kagawad at bagong kinilalang HVI; at alyas “Jay” na itinuturing na isang Street-Level Individual.
Nagresulta ang operasyon sa pagkakasamsam ng mahigit P3.6 milyon halaga ng shabu sa probinsya ng Iloilo, ayon kay Brigadier General Josefino Ligan, ang mataas na opisyal ng pulisya sa Western Visayas.
Isinagawa ang operasyon ng Provincial Drug Enforcement Unit (PDEU) Team 2 ng Iloilo Police Provincial Office (IPPO) sa tulong ng Dingle Municipal Police Station at ng Provincial Intelligence Unit.
Nakumpiska sa operasyon ang isang buy-bust sachet, 4 malalaki at 2 regular heat-sealed plastic sachet ng shabu.
Tumimbang ang mga nasamsam na droga ng humigit-kumulang 310 gramo na nagkakahalaga ng P2,108,000.
Sa hiwalay na operasyon, 8:50 ng gabi sa Barangay Bondulan, San Dionisio, naaresto ng pulisya si alyas “Red”, ang incumbent punong barangay ng lugar na nakalista rin bilang isang HVI.