Para maibaba ang excise tax sa oil products… PBBM HIHIRIT NG EMERGENCY POWERS SA KONGRESO

ISINIWALAT ni Pangulong Ferdinand Marcos Jr. na plano niyang humirit sa Senado at Kongreso ng dagdag na kapangyarihan para maibaba ang excise tax sa produktong petrolyo sakaling lumampas sa $80 kada bariles ang presyo ng Dubai crude.

Sa press conference sa Malakanyang, sinabi ni PBBM na kailangang may nakahandang hakbang ang pamahalaan upang mapagaan ang epekto ng pagtaas ng presyo ng langis sa publiko.

Sinabi ng Pangulo na dahil sa nagpapatuloy na tensyon sa Middle East, posibleng tumagal pa ng apat hanggang limang linggo ang kaguluhan na nagdudulot ng pangamba sa pandaigdigang suplay ng langis.

Gayunman, tiniyak ng Pangulo na may sapat na suplay ang Pilipinas na tatagal ng humigit-kumulang 50 hanggang 60 araw. (Gilbert Perdez)