Jane Oineza binuking rason kaya nagtagal kay RK Bagatsing ng limang taon

Ni Anne Venancio

Limang taon nang magkarelasyon sina Jane Oineza at RK Bagatsing at nanatiling matatag ang kanilang relasyon sa kabila ng mga pagsubok.

Sa panayam niya sa ‘Fast Talk with Boy Abunda’ nitong Miyerkules, May 13, sinabi ni Jane na ang relasyon ay hindi lamang nakasalalay sa emosyon, kundi sa araw-araw na desisyon na piliin ang isa’t isa kahit may hindi pagkakaunawaan.

Mahalaga na parehong handa ang mag-partner na intindihin ang isa’t isa, lalo na sa mga panahong hindi sila nasa tamang kondisyon o hindi nagkakaintindihan.

Hindi maiiwasan ang pagkakataong may kahinaan ang isa sa relasyon, kaya’t kinakailangan ang pasensya at willingness ng kabila na umunawa at umalalay.

Binigyang-diin din ni Jane na ang komunikasyon ay mahalaga, ngunit hindi ito sapat kung walang kasamang malasakit at tunay na pag-unawa sa pinagdaraanan ng bawat isa.

Ang isang matibay na relasyon ay nakasalalay sa araw-araw na pagpili, pagtanggap sa imperfections, at pagbibigay ng espasyo para sa growth ng bawat isa bilang mag-partner.