JAPANESE NA WANTED SA ‘FRAUD’ AT NAMBIKTIMA NG MGA SENIOR CITIZEN, ARESTADO SA BI-FSU

ISANG Japanese national na ‘wanted’ sa kanyang bansa dahil sa panloloko ng mga nakatatanda ang inaresto ng mga ahente ng Bureau of Immigration-fugitive search unit (BI-FSU).

Sa kanyang ulat, sinabi ni FSU chief Rendel Ryan Sy na ang suspect na si alias ‘Suk’, 53, ay nadakip sa enforcement operation sa Soriano Ave., Intramuros, Manila, alinsunod sa direktiba ni President Ferdinand R. Marcos, Jr. na paigtingin ang crackdown sa foreign syndicates at i-secure ang borders ng bansa laban sa transnational criminal.

Ani Sy, naganap ang operasyon nitong May 20 sa pakikipag-ugnayan sa Japanese authorities at Philippine National Police.

Inihayag ni BI spokesperson Dana Sandoval na si alias ‘Suk’ ay subject ng aktibong arrest warrant na inilabas ng Fukuoka Summary Court sa Japan noong February 2026 para sa kasong fraud at theft.

Ayon kay Sandoval, “Japanese authorities revealed that he belonged to a specialized criminal group that unlawfully obtained ATM cards and personal data by impersonating law enforcement officers. The syndicate allegedly systematically targeted and deceived vulnerable, elderly victims into surrendering their banking information under the guise of fake police investigations, leading to unauthorized withdrawals amounting to 100,000 Japanese yen.”

Batay sa operational background investigations, si ‘Suk’ ay dumating sa Pilipinas bilang temporary visitor noong 2019 at nagawang i-convert ang kanyang visa sa permanent resident status noong April 2025, ani Sandoval.

Nitong April 2026 ay iniulat sa BI ang ukol sa kaso ng suspect kung kaya’t ito ay inimbestigahan at inaresto.

Siya ay naka-detine ngayon sa BI holding facilityhabang naghihintay ng deportation case na iniharap laban sa kanya. (JERRY S. TAN/JOJO SADIWA)