BJMP inihahanda na ang selda ni Jinggoy

INIHANDA na ng Bureau of Jail Management and Penelogy (BJMP) ang detention cell ni Senador Jinggoy Estrada sa New Quezon City Male Dormitory sa Payatas.

Pahayag ni Interior Secretary Jonvic Remulla, na kaniyang tiniyak ang kahandaan nila sakaling lumabas na ang warrant of arrest ni Estrada sa kasong plunder mula sa Fifth Division ng Sandiganbayan.

Nahaharap ang Senador ng kasong plunder na may kinalaman sa P573 milyon na halaga ng umanoy kickbacks mula sa iba’t-ibang flood control projects.

Matatandaang noong Biyernes, Mayo 29 ay naghain si Estrada ng piyansa na aabot sa P90,000 para sa kaso nitong graft kasama si dating Department of Public Works and Highways secretary Manuel Bonoan sa Sandiganbayan Second Division.

Subalit paglilinaw ni Remulla na nasa Sandiganbayan pa rin ang may pasya kung saan nila ilalagak si Estrada sakaling lumabas na ang warrant of arrest nito sa kasong plunder.