JINGGOY BINIGYAN NG ULTIMATUM NI SEC. REMULLA

By Beth Gelena

Nagpiyansa ng P90,000 si Sen. Jinggoy Estrada matapos maglabas ng warrant of arrest at hold departure order (HDO) ang Sandiganbayan dahil sa kasong graft bunsod ng budget insertions at kickbacks sa flood control projects na nagkakahalaga ng P573 milyon.

“Posting bail is a legal remedy available to me under our justice system, and I intend to avail myself of every lawful means to defend myself and clear my name,” pahayag ni Estrada.

Naghain na rin ng mosyon ang legal team ni Estrada para sa withdrawal ng arrest warrant.

Mariing itinanggi ni Estrada na walang basehan at malisyoso ang mga akusasyon sa kanya.

Samantala, ikinokonsidera ng Sandiganbayan Fifth Division na humahawak sa non-bailable plunder case ni Estrada, ang inihaing mosyon ng senador bago maglabas ng warrant of arrest.

Nauna rito, pinapipili ni Interior Secretary Jonvic Remulla si Senador Estrada na sumurender o sumuko na lamang.

“He mentioned that he needed knee replacement surgery. I replied that it’s up to the Sandiganbayan’s appreciation. Our job is to process his arrest and submit him to the Sandiganbayan,” sabi ni Remulla.

Nadawit si Estrada matapos akusahan ni da­ting DPWH-Bulacan District Engineer Brice Hernandez na tumanggap ng kickbacks mula sa flood control projects na agad namang pinabulaanan ng senador.