Ex-Rep. Kiko Barzaga sinampahan ng kasong cyberlibel sa RTC

KINASUHAN ng paglabag sa cyberlibel at revised penal code si dating Cavite 4th District Representative Francisco Kiko Barzaga sa Manila Regional Trial Court.

Kaugnay ito sa inihaing reklamo ni Manila 2nd District Representative Rolando Valeriano base sa akusasyon ni Barzaga sa social media na tumanggap umano ng suhol ang mga kasapi ng National Unity Party na dati niyang kinaaaniban.

Kinatigan ng Manila Prosecutor’s Office ang reklamo ng kongresista na mapanirang puri ang post ni Barzaga sa kanyang social media account na kumalat na online.

Sa social media posts ni Barzaga, sinabi niya na galing umano ang suhol sa business tycoon na si Enrique Razon Jr kapalit ng pagsuporta sa speakership ni Leyte 1st District Rep Ferdinand Martin Romualdez

Inirekomenda sa korte ng Manila Prosecutor’s Office ang P10,000 piyansa para sa dating kongresista.