97-anyos na bedridden, patay sa sunog

Patay ang 97-anyos na babae dahil sa sunog sa Purok 3, Brgy. Sinamar Norte rito nitong Linggo.

Kinilala ang biktima na si Saturnina Guray, bedridden.

Sa ulat, bago mangyari ang insidente, naglalaro umano ng lighter ang 5-anyos na lalaki sa loob ng bahay.

Sinabi rin sa ulat na sinindihan ng menor de edad ang kurtina na naging sanhi agarang pagkalat ng apoy.