PBBM, WALA PANG NAPIPISIL NA SUSUNOD NA PTFOMS CHIEF—CHAVEZ

WALA pang napipisil si Pangulong Ferdinand Marcos Jr. na ipapalit kay Undersecretary Paul Gutierrez bilang executive director ng Presidential Task Force on Media Security (PTFoMS).

Ginawa ni Presidential Communications Office (PCO) Sec. Cesar Chavez ang pahayag matapos mag-expire ang termino ni Gutierrez na hinirang ni PBBM sa puwesto noong May 2023.

Sa kanyang mensahe na ipinadala sa DWIZ at POLICE FILES TONITE, sinabi ni Chavez na wala pa siyang alam na mga pangalan na inirekomenda kay PBBM na ipapalit kay Gutierrez.

Kaya naman, hindi rin batid ng kalihim kung hanggang kailan magiging bakante ang nasabing posisyon.

Maaaalalang nagpadala ng sulat si Executive Secretary Lucas Bersamin kay Justice Secretary Jesus Crispin Remulla na miyembro ng task force kung saan ipinagbigay-alam nito na napaso na ang termino ni PTFoMs official. (Gilbert Perdez)