2 menor de edad kylong nang ihahid ang pusa para sa content

Nag-viral at umani ng mga negatibong reaksiyon ang video ng isang pusang inihagis sa dagat, at nasakote ng pulisya ang dalawang menor de edad na siyang nasa likod ng nasabing video.

Kumalat ang nasabing video noong Miyerkules, Setyembre 18, 2024 kung saan makikita ang menor de edad na lalaki na inihagis ang isang pusa patungo sa dagat. Ang nasabing content inasistahan din ng isa pang menor de edad na siya namang kumuha ng video.

Agad na kinondena ng Sto. Domingo, Albay Local Government Unit (LGU) ang sinapit ng pusa sa kamay ng dalawang menor de edad na lalaki at ipinahanap ang lokasyon ng mga suspek.

Ayon sa ulat ng Brigada News FM Legazpi City, natunton din agad ng mga awtoridad ang lokasyon ng dalawang suspek at kasalukuyang nasa kustodiya ng Municipal Social Welfare and Development Office (MSWDO).