Desisyon ni PBBM sa courtesy resignation ng cabinet members suportado ni SP Escudero

SUPORTADO ni Senate President Chiz Escudero ang naging desisyon ni Pangulong Ferdinand “Bongbong” Marcos, Jr. kaugnay sa courtesy resignation sa lahat ng miyembro ng kaniyang gabinete.

Ayon kay Escudero, simula palang umano ito ng pagpapabuti sa mas maaayos na gobyerno.
“Calling for the courtesy resignations of his officials is a good start. It highlights the need for the entire bureaucracy to recalibrate and align government initiatives with the expectations of our people,” wika ni Escudero.

“For when the government fails to meet these expectations, it is the public who suffers-and I commend the president for taking immediate action,” hirit ni Escudero.

Binigyang-diin din ng Pangulo ng Senado na kailangan umano ng Pangulo ng mapapagkatiwalaang mga gabinete sa kaniyang administrasyon.

“The President cannot implement government programs by himself; kailangan n’ya ng mapagkakatiwalaang katulong, dapat mayroon siyang matinong katuwang,” ani Escudero.

Payo pa ni Escudero na dapat umanong ilayo ni Pangulo ang kaniyang sarili laban sa mga pabaya niyang kaalyado.

“He must distance himself through his political capital for selfish ends,” giit ng Senate President.

Una rito, inihayag ng Presidential Communications Office (PCO) ang naturang panawagan ni PBBM sa kaniyang gabinete.

Samantala, nilinaw naman ng Palasyo na sa kabila ng mga isinumite at ihahain pa lamang na mga resignation ng gabinete ng Pangulo—mananatili pa rin umano sila sa kani-kanilang posisyon hangga’t walang pinal na desisyon si PBBM kung tuluyan silang aalisin sa puwesto. (Mylene Alfonso)