EX-WBC CHAMPION HULI SA DROGA!

ARESTADO ang dating World Boxing Council (WBC) champion na Pinoy sa isang drug buy-bust operation sa General Santos City.

Kinilala ang nadakip na si Eden Sonsona, dating WBC International champion at kasalukuyang nagtatrabahong fitness instructor na nakatira sa Alunan, Bula sa nasabing lungsod.

Naaresto si Sonsona sa buy bust sa Chinese Cemetery sa Barangay Apopong, General Santos. Nakuha sa kanya ang 3 sachets ng shabu at buy bust money.

Nagpositibo rin si Sonsona sa paggamit ng iligal na droga.

Nahaharap siya ngayon sa kasong paglabag sa Section 5 ng RA 9165 o Comprehensive Dangerous Drugs Act of 2002 at kasalukuyang nakapiit sa Makar Police Station.

Magugunitang may professional boxing record si Sonsona na 36 wins, 13 loses at 2 draws. Huli siyang sumabak sa ring noong March 17, 2021 kungsaan natalo ito kay Rimar Metuda.

Itinanghal si Sonsona na WBF international super featherweight champion noong 2017 at WBC international Silver Super featherweight noong 2015.